ബി.എം.എസ്. സ്ഥാപനദിനാഘോഷം
പൊൻകുന്നം: ഭാരതീയ മസ്ദൂർ സംഘ് ചിറക്കടവ് പഞ്ചായത്ത് കമ്മിറ്റി ബി.എം.എസിന്റെ 67-ാം സ്ഥാപനദിന ഭാഗമായി കുടുംബസംഗമം നടത്തി. ജില്ലാപ്രസിഡന്റ് വി.എസ്.പ്രസാദ് ഉദ്ഘാടനം ചെയ്തു. പഞ്ചായത്ത് കമ്മിറ്റി പ്രസിഡന്റ് കെ.സുരേഷ്‌കുമാർ അധ്യക്ഷത വഹിച്ചു. മേഖലപ്രസിഡന്റ് ഇ.കെ.ജയകുമാർ, സെക്രട്ടറി എം.ബാബുക്കുട്ടൻ, വി.ജി.റെജി, കൃഷ്ണകുമാർ എന്നിവർ പ്രസംഗിച്ചു. എസ്.എസ്.എൽ.സി. പരീക്ഷയിൽ ഉന്നതവിജയം നേടിയ ചിറക്കടവ് സെന്റർ പായിക്കാട്ട് ബിജുവിന്റെ മക്കളായ ആകാശ്, ആദിത്യൻ എന്നിവരെ അനുമോദിച്ചു.
കാഞ്ഞിരപ്പള്ളി പഞ്ചായത്ത് സംഗമം ജില്ലാപ്രസിഡന്റ് വി.എസ്.പ്രസാദ് ഉദ്ഘാടനം ചെയ്തു. പഞ്ചായത്ത് കമ്മിറ്റി പ്രസിഡന്റ് ആർ.ഹരിലാൽ അധ്യക്ഷത വഹിച്ചു. മേഖലസെക്രട്ടറി എം.ബാബുക്കുട്ടൻ, പഞ്ചായത്തംഗം അമ്പിളി ഉണ്ണികൃഷ്ണൻ, വിശ്വനാഥൻ, പി.ബാലകൃഷ്ണൻ എന്നിവർ പ്രസംഗിച്ചു. ബി.എസ്‌സി. റാങ്ക് ജേത്രി കെ.എസ്.നീരജ, എസ്.എസ്.എൽ.സി. എപ്ലസ് നേടിയ നീരജ ഗോപൻ എന്നിവരെ അനുമോദിച്ചു.
എലിക്കുളം പഞ്ചായത്ത് കുടുംബസംഗമം ജില്ലാപ്രസിഡൻറ് വി.എസ്.പ്രസാദ് ഉദ്ഘാടനം ചെയ്തു. മേഖലപ്രസിഡന്റ് ഇ.കെ.ജയകുമാർ അധ്യക്ഷത വഹിച്ചു. ജില്ലാ ജോയിന്റ് സെക്രട്ടറി ടി.പി.ശ്രീകല, മേഖലാ സെക്രട്ടറി എം.ബാബുക്കുട്ടൻ, പി.ആർ.അനിൽകുമാർ എന്നിവർ പ്രസംഗിച്ചു. എസ്.എസ്.എൽ.സി.പരീക്ഷയിൽ എപ്ലസ് നേടിയ ഗംഗ അശോകിനെ അനുമോദിച്ചു.
വാഴൂർ പഞ്ചായത്ത് കുടുംബസംഗമം ജില്ലാസെക്രട്ടറി എസ്.എസ്.ശ്രീനിവാസപിള്ള ഉദ്ഘാടനം ചെയ്തു. പഞ്ചായത്ത് കമ്മിറ്റി പ്രസിഡന്റ് കെ.ആർ.ഗോപകുമാർ അധ്യക്ഷത വഹിച്ചു.
മേഖല സെക്രട്ടറി എം.ബാബുക്കുട്ടൻ, പഞ്ചായത്ത് കമ്മിറ്റി സെക്രട്ടറി എം.ജി.ശ്രീകുമാർ, കെ.വി.പ്രസന്നകുമാർ എന്നിവർ പ്രസംഗിച്ചു.