മികച്ച വ്യവസായ സംരംഭകനുള്ള അവാർഡ് കൂവപ്പള്ളി സെന്റ് മേരീസ് റബേഴ്‌സ് ഉടമ സണ്ണി ജേക്കബ്ബിന്
ചങ്ങനാശേരി എസ്ബി കോളജ് എംബിഎ ഡിപ്പാര്ട്ട്മെന്റിന്റെ നേതൃത്വത്തിൽ കേരളത്തിലെ മികച്ച വ്യവസായ സംരംഭകർക്ക് നൽകുന്ന 27-ാമത് ബെർക്ക്മാൻസ് സംരംഭക അവാര്‍ഡ് കാഞ്ഞിരപ്പള്ളി സെന്റ് മേരീസ് റബേഴ്‌സ് സ്ഥാപകനായ സണ്ണി ജേക്കബിനു സമ്മാനിച്ചു. കോളജിലെ പടിയറ ഹാളിൽ നടന്ന ചടങ്ങിൽ കേരള മാനേജ്‌മെന്‍റ് അസോസിയേഷന്‍ മുൻ പ്രസിഡന്‍റും പ്രമുഖ സംരംഭകനുമായ ആർ. മാധവ് ചന്ദ്രന്‍ അവാര്‍ഡ് ദാനം നിര്‍വഹിച്ചു.
മികച്ച നവസംരംഭകര്‍ക്കായി നല്കുന്ന അവാര്‍ഡ് കൊച്ചി ലിന്‍വേയ്‌സ് ടെക്‌നോളജീസ് സഹസ്ഥാപകന്‍ ഫ്രാന്‍സിസ് ഡേവിസിനും ഡിപ്പാര്ട്ട്മെന്റിന്റെ നാലാം ബാച്ചിലെ പൂര്‍വ വിദ്യാര്‍ഥികളിലെ വ്യവസായ സംരംഭകന്‍ ജിമ്മി ജോസഫിനും കൈമാറി.
പ്രിന്‍സിപ്പല്‍ ഫാ. റെജി പി. കുര്യന്‍ അധ്യക്ഷത വഹിച്ചു. എംബിഎ വിഭാഗം ഡയറക്ടര്‍ ഡോ. തോമസ് വര്‍ഗീസ്, ഡിപ്പാര്‍ട്ട്‌മെന്‍റ് മേധാവി പ്രഫ. സോണി ജോസഫ്, അധ്യാപകനായ ഡോ. ബിന്‍സായി സെബാസ്റ്റ്യന്‍ എന്നിവര്‍ പ്രസംഗിച്ചു.