ആനക്കല്ല് സെന്റ് ആന്റണീസിൽ എഡ്യൂക്കേഷണൽ എക്‌സിബിഷനും ഫ്ലവർ ഫെസ്റ്റും നടത്തി
കാഞ്ഞിരപ്പള്ളി: ആനക്കല്ല് സെന്റ് ആന്‍റണീസ്‌ പബ്ലിക്‌ സ്‌കൂളിലെ എഡ്യൂക്കേഷണൽ എക്‌സിബിഷനും ഫ്ലവർ ഫെസ്റ്റും പ്രിൻസിപ്പാൾ ഫാ. ആന്റണി തോക്കനാട്ട്‌ ഉദ്‌ഘാടനം ചെയ്തു.
വൈസ്‌ പ്രിന്‍സിപ്പല്‍മാരായ ഫാ. ഷിജു കണ്ടപ്ലാക്കൽ , ചെറിയാന്‍ കെ. എബ്രഹാം, ആലീസ്‌ തോമസ്‌, സിസ്റ്റർ ത്രേസ്യാമ്മ പൗലോസ്‌ എന്നിവര്‍ എക്‌സിബിഷന്‌ നേതൃത്വം നല്‍കി.ശാസ്‌ത്രവും സര്‍ഗാത്മകതയും ഒരുമിക്കുന്ന എക്‌സിബിഷനിൽ വർക്കിംഗ്‌ മോഡൽ , സ്റ്റിൽ മോഡൽ, ചാര്‍ട്ട്‌ തുടങ്ങി വിവിധ ഇനങ്ങളിലാണ് മത്സരം സംഘടിപ്പിച്ചത്‌.
എക്‌സിബിഷനോടനുബന്ധിച്ച്‌ നടത്തിയ ഫ്ലവർ ഫെസ്റ്റിൽ ഫ്രഷ്‌ ഫ്ലവർ അറേഞ്ച്‌മെന്‍റ്, ഡ്രൈ ഫ്ലവർ അറേഞ്ച്‌മെന്‍റ്, ബൊക്കെ മേക്കിംഗ്‌, സാലഡ്‌ അറേഞ്ച്‌മെന്‍റ്, വെജിറ്റബിൾ കാര്‍വിംഗ്‌, ഹാൻഡ്‌ എംബ്രോയ്‌ഡറി, ആർട്ടിഫിഷ്യൽ ഫ്ലവർ മേക്കിംഗ്‌, ബോണ്‍സായി, കാറ്റക്‌സ്‌ തുടങ്ങി വിവിധ ഇനങ്ങളില്‍ മത്സരം നടത്തി. വിവിധ ഡിപ്പാര്‍ട്ടുമെന്‍റുകളുടെ നേതൃത്വത്തിലുള്ള സ്റ്റാളുകളും ക്രമീകരിച്ചിരുന്നു.
ജീവിതത്തിന്‍റെ വിവിധ മേഖലകളെക്കുറിച്ചുള്ള അറിവ്‌ വിദ്യാർഥികള്‍ നേടിയെടുക്കുന്നതിന്‍റെ ഭാഗമായാണ്‌ വൈവിധ്യപൂര്‍ണമായ ഇത്തരം പ്രവര്‍ത്തനങ്ങള്‍ നടത്തുന്നതെന്ന്‌ പ്രിൻസിപ്പാൾ ഫാ. ആന്റണി തോക്കനാട്ട്‌ അറിയിച്ചു.