കാഞ്ഞിരപ്പള്ളി ഉപജില്ലാ സ്കൂൾ കലോത്സവത്തിനു തുടക്കമായി
കാഞ്ഞിരപ്പള്ളി ഉപജില്ല സ്കൂൾ കലോത്സവം, സംസ്‌കൃതോത്സവം, അറബിക് കലോത്സവം എന്നിവ ചിറക്കടവ് എസ്ആർവി എൻഎസ്എസ് വിഎച്ച്എസ്എസിൽ തുടക്കമായി. ചിറക്കടവ് പഞ്ചായത്ത് പ്രസിഡന്റ് സി.ആർ. ശ്രീകുമാർ ഉദ്ഘാടനം ചെയ്തു. സ്കൂൾ മാനേജർ എം.കെ. അനിൽകുമാർ അധ്യക്ഷത വഹിച്ചു.
ചലച്ചിത്രനടൻ ജോജി ജോൺ മുഖ്യാതിഥിയായി. വാഴൂർ ബ്ലോക്ക് പഞ്ചായത്ത് പ്രസിഡന്റ് മുകേഷ് മണി മുഖ്യപ്രഭാഷണം നടത്തി. ജനപ്രതിനിധികളായ ടി.എൻ. ഗിരീഷ്‌കുമാർ, ബി. രവീന്ദ്രൻ നായർ, എം.ടി. പ്രീത, ലീന കൃഷ്ണകുമാർ, എഇഒ പി.എച്ച്. ഷൈലജ, പ്രിൻസിപ്പൽ പി.ബി. ഗീതാകുമാരി, ജനറൽ കൺവീനർ കെ. ലാൽ, എസ്. ശ്രീകുമാർ, പി.എം. മുഹമ്മദ് ഫൈസൽ, എസ്. നിഷ, വി.ജി. രതി, വി. പ്രീത, നാസർ മുണ്ടക്കയം, ടോമി ജേക്കബ്, ബഷീർ മുഹമ്മദ്, മുഹമ്മദ് അനസ് തുടങ്ങിയവർ പ്രസംഗിച്ചു.
110 സ്‌കൂളുകളിൽ നിന്നായി അയ്യായിരത്തോളം വിദ്യാർഥികളാണ് മത്സരത്തിലുള്ളത്. 10ന് ഉപജില്ലാ സ്കൂൾ കലോത്സവം സമാപിക്കും.