കരിമ്പുകയം പാലം അപകടഭീതിയിൽ..കൈവരികൾ തകർന്നു..അപ്രോച്ച് റോഡ് തകർന്നു ..

കാഞ്ഞിരപ്പള്ളി : പെരുവെള്ള താണ്ഡവം കഴിഞ്ഞ ശേഷം കരിമ്പുകയം പാലത്തിന്റെയും അപ്രോച്ച് റോഡിന്റെയും അവസ്ഥ പരമ ദയനീയം., കൈവരികൾ തകർന്നു..അപ്രോച്ച് റോഡ് തകർന്നു… വേണ്ടത്ര ആലോചനയില്ലാതെ, കരിമ്പുകയം തടയണയുടെ മുകളിൽകൂടി മുട്ടുശാന്തിക്ക് ഉണ്ടാക്കിയ പാലം ആണെന്നും, കരിമ്പുകയം പാലത്തിന്റെ അശാസ്ത്രീയമായ നിർമ്മാണമാണ് ഈ ദുരിതത്തിന് കാരണം എന്നും, സ്ഥലം സന്ദർശിച്ച കോട്ടയം ജില്ലാ പഞ്ചായത്ത് മെമ്പർ അഡ്വ. തോമസ് കുന്നപ്പള്ളി പറഞ്ഞു. പെരുവെള്ളത്തിൽ ഒഴുകിയെത്തുന്ന വൻ മരങ്ങളും മാലിന്യങ്ങളും പാലത്തിൽ തടഞ്ഞു നിൽക്കാതെ സുഗമമായി ഒഴുകിപോകുന്നതിന് വേണ്ടി, തൂണുകൾ ഉയർത്തി പുതിയ പാലം പണിയുക എന്നത് മാത്രമാണ് നിലവിൽ ശാശ്വത പരിഹാരം എന്നും അദ്ദേഹം പറഞ്ഞു . വീഡിയോ കാണുക