കിണറ്റിൽ വീണ യുവാവിനെ ഫയർഫോഴ്‌സും, പോലീസും, നാട്ടുകാരും ചേർന്ന് സാഹസികമായി രക്ഷപെടുത്തി.
പൊൻകുന്നം: പൊൻകുന്നം ഇരുപതാം മൈലിൽ കിണറ്റിൽ വീണ യുവാവിനെ വിവരമറിഞ്ഞ്, കാഞ്ഞിരപ്പള്ളിയിൽ നിന്നും എത്തിയ ഫയർമാൻ ബിനു സെബാസ്റ്റ്യൻ, പൊൻകുന്നം സിനിയർ സിവിൽ പോലീസ് ഉദ്യോഗസ്ഥൻ ജയകുമാർ എന്നിവരുടെ നേതൃത്വത്തിലുള്ള സംഘം സാഹസികമായി രക്ഷപെടുത്തി.
പൊൻകുന്നം 20-ാം മൈൽ കാരിവയലിൽ ബോബി ജോസഫാ(35)ണ് വ്യാഴാഴ്ച വൈകിട്ട് നാലരയോടെ വീടിനടുത്തുള്ള കിണറ്റിൽ വീണത് .പരിക്കുകളില്ല. മദ്യലഹരിയിലാണ് കിണറ്റിൽ വീണതെന്ന് പറയപ്പെടുന്നു.