കാഞ്ഞിരപ്പള്ളിയിൽ കാറപകടം : കാർ ഷോറൂം ജീവനക്കാരൻ കാറിടിച്ചു മരിച്ചു
കാഞ്ഞിരപ്പള്ളി :ദേശീയപാത 183 ഇന്ന് കാഞ്ഞിരപ്പള്ളി മേരിമാതാ ആശുപത്രിക്ക് മുൻവശം നിയന്ത്രണം വിട്ട കാർ ഇടിച്ച് യുവാവ് മരിച്ചു. ആലപ്പുഴ കൈതവന കുന്നുതറ അലക്സ് ജേക്കബ് – 36 ആണ് മരിച്ചത് . ആലപ്പുഴ സ്കോഡാ ഗ്ലോബൽ റീറ്റെയിൽ കൺസൾട്ടന്റായി ജോലിയിലായിരുന്നു അലക്സ് .
പൂഞ്ഞാറിൽ ബന്‌ധുവിന്റെ കുഞ്ഞിന്റെ മാമോദീസാ കഴിഞ്ഞ് മാതാപിതാക്കളോടും , മകളോടുമൊപ്പം മടങ്ങവെഇന്നലെ വൈകുന്നേരം അഞ്ചോടെയായിരുന്നു അപകടം. റോഡരുകില്‍ കാര്‍ നിറുത്തിയ ശേഷം വിശ്രമിക്കാനായി റോഡ് മുറിച്ച് കടക്കുമ്പോള്‍ മറ്റൊരുവാഹനത്തെ മറികടന്നെത്തിയ സ്ത്രീ ഓടിച്ചിരുന്ന കാര്‍ നിയന്ത്രണം വിട്ട് അലക്സിനെ ഇടിക്കുകയായിരുന്നെന്ന് പോലീസ് അറിയിച്ചു. ഭാര്യ ജിബി വി. ജോർജ് (മരിയ )മുഹമ്മ വടക്കേച്ചിറ കുടുംബാംഗം.മക്കൾ ഹന്ന മരിയ അലക്സ് , ഡേവിഡ് അലക്സ് .മൃതദേഹം കാഞ്ഞിരപ്പള്ളി ജനറൽ ആശുപത്രി മോർച്ചറിയിൽ ഇന്ന് പോസ്റ്റുമോർട്ടത്തിനുശേഷം ആലപ്പുഴ ഇമ്മാക്കുലേറ്റ് ഹാർട്ട് ചർച്ചിൽ സംസ്കരിക്കും