ബസ്സിന്റെ മുൻപിൽ ചാടിയ യുവാവിന് ദാരുണാന്ത്യം. അപകടം നടന്നത് കെ. കെ. റോഡിൽ പൊൻകുന്നം ഇരുപതാം മൈലിൽ
പൊൻകുന്നം : കെ എസ് ആർ ടി സി ബസ്സിന്റെ മുൻപിൽ ചാടിയ യുവാവിന് ദാരുണാന്ത്യം. അപകടം നടന്നത് കെ. കെ. റോഡിൽ പൊൻകുന്നം ഇരുപതാം മൈലിൽ കടുക്കാമല വളവിന് സമീപം . കോട്ടയത്ത് നിന്നും കുമളിയിലേക്ക് പോയ ബസ്സിന്റെ മുൻപിലേക്കാണ് പൊൻകുന്നം ഭാഗത്തു നിന്നും നടന്നു പോയ യുവാവ് എടുത്തു ചാടിയത്. കോട്ടയം ആര്പ്പൂക്കര സ്വദേശി ടി എസ് രാജേഷ് ആണ് മരിച്ചതെന്നാണ് സൂചന. മൃതദേഹം മെഡിക്കല് കോളേജിലേയ്ക്ക് മാറ്റി.
അപകടത്തിൽ ബസ്സിന്റെ മുൻചക്രം യുവാവിന്റെ തലയിലൂടെ കയറിയിറങ്ങി . തൽക്ഷണം മരണം സംഭവിച്ചു . ബസ്സിന്റെ മുൻപിൽ ചാടുന്നതിന് മുൻപ് മറ്റ് വാഹനങ്ങളുടെ മുൻപിലേക്ക് ചാടുവാനും പലതവണ ശ്രമിച്ചിരുന്നതായി നാട്ടുകാർ പറഞ്ഞു . പോലീസ് സ്ഥലത്തെത്തി മേൽനടപടികൾ സ്വീകരിച്ചു .
