റേഷൻ മണ്ണെണ്ണ വിതരണം അവതാളത്തിൽ
അലോട്ട്മെന്‍റ് തികയാത്തതിനാൽ റേഷൻ കടകളിൽ മണ്ണെണ്ണ വിതരണം തടസപ്പെടുന്നു. മുൻഗണനാ കാർഡുകാർക്കും രണ്ടു മാസമായി മണ്ണെണ്ണ ഏറെയിടങ്ങളിലും മുടങ്ങിയിരിക്കുന്നു. നോണ്‍ സബ്സിഡി മണ്ണെണ്ണയുടെ ക്വാട്ട എടുത്തുതീർക്കാൻ ബാക്കിയുണ്ട്.
കേന്ദ്ര പെട്രോളിയം മന്ത്രാലത്തിന്‍റെ മാർഗനിർദേശപ്രകാരം ഉത്സവകാല ആവശ്യങ്ങൾക്ക് ഉപയോഗിക്കാൻ അനുമതിയുണ്ട്. ക്രിസ്മസ് പ്രമാണിച്ച് ഈ ക്വാട്ടയിൽനിന്ന് എല്ലാ കാർഡുകൾക്കും അര ലിറ്റർ മണ്ണെണ്ണ ഡിസംബറിൽ വിതരണം നടത്തണം. നോണ്‍ സബ്സിഡി മണ്ണെണ്ണ ആവശ്യാനുസരണം സംസ്ഥാനങ്ങൾക്ക് അനുവദിക്കാം എന്ന സമീപനമാണ് കേന്ദ്രം സ്വീകരിച്ചിക്കുന്നത്. സബ്സിഡി മണ്ണെണ്ണയുടെ വില മാത്രമാണ് ഇതിന് ഈടാക്കുന്നത്. ഈ അവസരം മുൻനിറുത്തി കൂടുതൽ വിഹിതം സംസ്ഥാനം ആവശ്യപ്പെടണമെന്ന് റേഷൻ കാർഡ് ഹോൾഡേഴ്സ് അസോസിയേഷൻ പ്രസിഡന്റ് ബേബിച്ചൻ മുക്കാടൻ ആവശ്യപ്പെട്ടു.